To offer you a better browsing experience, the site uses cookies. By continuing to browse the site you authorize the use of cookies.

Baz bar tüan

Dar Kultùr Plån vor merare djar un di Zung Politìk von Kulturinstitùt Lusérn vor di djar 2016-2017-2018 iz dar haupbege boda bart machan dar Kulturinstitut sèlbart in dise drai djar, ditza bart soin starch gepuntet pinn sèll boma bart gloam z’zera inngehaltet in di roatom.

Pittar zait habar vorstånt ke ’z izta mengl z’arbata pittnåndar zbisnen di vüarom un di feroine vodar zimbar earde zoa azta da Zimbar Zung sai hèrta mearar genützt.
Vor daz sèll dar Progråmm iz gemacht atz mearare djar, siånka azma geat vür zo sichra bazta iz bichte vor ’z djar 2016.

Zoa zo sichra in zil zo schütza un auzohalta da  zimbar zung un da zimbar kultùr vo Lusérn, nå azpe da auzmacht dar statùtt, dar Progråmmbriaf darkhennt viar bichtege aktziongen, nå in sèll boda hatt vürgevüart dar Bizzkomitàt, dena ågenump von Fervaltungsrat.

Di viarn aktziongen soin:
Aktziong I: Lazzan di zung in sèlln boda nåkhemmen
Aktziong II: Ren, lesan un schraim in da zimbar zung
Aktziong III: Schualn
Aktziong IV: Zung un bichtschaft