To offer you a better browsing experience, the site uses cookies. By continuing to browse the site you authorize the use of cookies.

Zil von Kulturinstitut

Dar zil von Kulturinstitut Lusérn iz dar sèll auzohalta, vürzovüara un zo macha khennen di zung un di kultùr vodar taütschan zungmindarhait von Kamou vo Lusérn, schaugante daz earst vo alln aft soi stòrdja, aft soi zung. Darzuar dar Kulturinstitut bill arbatn zo halta da kunt di umbèlt un vürzotranga di bichtschaft vodar Zimbar Earde.

In Kulturinstitut izzen kent zuargètt:

  1. Auzohalta un zo macha khennen di kultùr un bia ’z lebeta da zimbar zungmindarhait mindarhait
  2. Zo Macha khennen da zimbar zung un da zimbar kultùr durch massmedien un arbatante pittnåndar pittar schual un darzuar auzolega un zo nemma toal atz studje un forschung.
  3. Nidarzoschraiba un zo vornaügra di zungregln, auzolega kürs zo lirna da zimbar zung vor übarsetzar un vor laüt boda gian zo lirna da zimbar zung in di schualn.
  4. Auzonemma di låntnem vodar Zimbar Earde un vürzotraga di studje aftz dise.
  5. Auzonemma un nåzosüacha allz bazta ågeat dar stòrdja, dar bichtschaft, dar zung, dar folkskunde, dar kultùr un bia ’z lemda di zimbarn laüt un, azta iz mengl, drukhan un auzgem puachan aftz ditza.
  6. Auzolega prais un schütz vor di studjént zoa azza lirnen di zung , di kultùr, di låntnem vodar stòrische Zimbar Earde.
  7. Zo arbata pittnåndar pinn feroine von lånt vo Lusérn un vodar gåntzan Zimbar Earde un pitt åndre in Beleschlånt un in auzlånt o.
  8. Vürzotraga naüge sachandar aftz bazta ågeat in laüt, dar kultùr, dar bichtschaft von lånt un zo halta da kunt di umbèlt.
  9. Zo macha khennen un auzohalta di kunst, di håntarbatn, di traditziongen un in kulturàl turismo, pittnåndar pinn feroine un pinn entn boda tüan ditza.