17/11/2017
Baz iz vor dì soin zimbar?
Bia höarsto du doi soin zimbar?
Baz bartz soin in di djar boda khemmen vodar zimbar identitét?
Prot. 807/17 Luserna/Lusérn, 18 10 2017
Soin zimbar bartz soin dar argomént vonan khurtzan film boda dar Kulturinstitut bart machan nå in sèll boden barst vürprengen du.
Vorz iz atz 17 von bintmånat 2017, barsto mang inngem an prodjèkt affon argomént boma redet d obar; baz iz soin zimbar? Bazzez iz vor dì soin zimbar? Baz barta vürkhemmen vo disarn identitét?
Von doi prodjèkt dar Kulturinstitut bart auznemmen zo macha an khurtzan film.
Du però magst vürtrang sachandar bodadar gevallat azzada soin nå allz daz sèll boda iz khent khött.
Zo bizzasan mearar rüaf å in Kultuinstitut affon n. 0464 789645 odar schraibe a mail atz info@kil.lusern.it .
In peste prodjèkt bartnen khemmen darkhennt € 750,00, boda però magat nèt khemmen zuargètt o azta di prodjèkte inngètt hettatn nèt vèrt genumma.