Zungstrumentn

ZIMBARBORT

Börtarpuach vodar zimbar zung aftaz belesche, bia ma khött aniaglaz bort (6000 zimbar börtar abegenump) un aniaglan satz (5000 baispil) Vor in Web, vor iPad, in ebook un azpe app.

http://www.zimbarbort.it/

ZIMBAR LÅNTNEM – DI NEM VON PLÈTZ IN DA ZIMBAR ZUNG

Alle di nem von plètz von Kamou vo Lusérn un nidar dèllant, alle pitt soin file bia da tarfan khemmen khött, eppaz aft soi stòrdja un geografia , fotografìan, un a låntkart boma mage grözarn azpe ma bill, asó azpe ’z iz aft google maps

http://maps.smallcodes.com/luserna/

TÖNLE BINTARN – AN ELETRÒNEGE PUACH BOMA MAGE LÜSNEN “STORIA DI TÖNLE”

Daz schümma puach von Mario Rigoni Stern, übarsetzt in di zung vo Lusérn von Andrea Nicolussi Golo. ’Z Tönle vinnt soi djüsta stimme, in da zimbar zung. An eletrònege puach pittar naüng tèknologì “les pitt miar”. Nå un nå azma geat vürsnen lesante khemmenda untarstrich di börtar, asó khinta någeholft berda nèt khånt lesan garècht da zimbar zung

http://tonlebintarn.smallcodes.com/home.page

MOINE EARSTN BÖRTAR – PILT PUACH

Da eletrònege versiong von pilt puach “Moine earstn börtar”, a djüstz earstz börtarpuach, gemacht pittnåndar pinn åndarn zungmindarhaitn von Trentino: dòpo in sèll ladinar von Fassatal, ladinar von Gadertal, ladinar von Gröden tal, von ladinar vo Fodom un furlå, ditza iz da zimbar versiong: vil alte börtar, ma ettlane naüge o, aniaglaz pinn file bia ’z khint khött.

http://bortar.smallcodes.com/

DI GRAMÀTIK

Zo macha verte di arbar vodar gramàtik vodar zung vo Lusérn von Luca Panieri izta khent gemacht a kurs åzoheva zo lirna da zimbar zung gepuntet pitt zimbarbort.

http://treffan.zimbarbort.it/

BAR SPILN UN LIRNEN PITTAR MUSIK

Da eletrònege versiong von pilt puach “Bar spiln un lirnen pittar musik – Kantzü vor da untarschual”, pinn file von kantzü un pittar musìk geschribet.

http://kantzu.smallcodes.com/