24/03/2020
Dar Kulturinstitut süacht a mentsch boda mochat schraim an libar übar Lusérn. Mearare håm geschribet übar Lusérn ma anìaglaz hatt geredet vo eppaz: übar di övan von khupfar, übar di earstn dokuméntn, di birtschaft, di zimbarn un asó vürsnen. Daz sèll boda velt iz a schümmadar libar boda redet von ünsar pèrge hevante å sa von zaitn vodar preistòria finn haüt zo tage. Ma mocht gedenkhan bazta iz vürkehnt un mocht zoang Lusérn haüt. Lusérn pitt soi kultùr, soi natùr un soi guat gièzza. Zo tüana ditza makma schaung bazta håm geschribet åndre un mocht leng panåndar allz. In libar bartnda khemmen gelek o schümmane foto, alte un naüge. Ber da sen höart zo tüana ditza mage schraim in Kulturinstitut un schikhan soin curriculum vitae pitt an khurtzan prodjèkt khödante bia dar machat di arbat, vor ‘z iz vraita 27 von lentzmånat. Zo bizzasan mearar tüat årüavan in Kulturinstitut.
Kulturinstitu Lusérn (0464 789645)